اتوار 21 جولائی 2019ء
اتوار 21 جولائی 2019ء

لندن : پروفیشنل ریسلر اور اداکار سلور کنگ مقابلے کے دوران گر کر ہلاک

لندن (این این آئی) لندن میں ایک پروفیشنل ریسلر اور اداکار سلور کنگ مقابلے کے دوران گرے اور ہلاک ہوگئے۔سیزر بیرن جسے سلور کنگ کے نام سے پہچانا جاتا تھا اپنے ملک میکسیکو میں بہت مقبول تھے اور 2005 میں بننے والی فلم ناچو لیبرے میں ہالی ووڈ کے اداکار جیک بلیک کے ہمراہ نظر آئے۔51سالہ سیزر بیرن لندن کےعلاقے کیمڈن میں رائونڈہائوز میں اپنے گْر دکھا رہے تھے جب وہ رنگ میں گرے۔میکسیکو سے تعلق رکھنے والے ایک اور ریسلر نے اپنے زبردست حریف کو خراج تحسین پیش کرتے ہوئے کہا کہ وہ ویسے ہی گئے جیسے جانا چاہتے تھے۔بیرن سنیچر کے روز لوچا لیبرے نامی مقابلے کے دوران گرے،ایک رپورٹس کے مطابق انہیں شاید دل کا دورہ پڑاتھا۔

سب سے زیادہ پڑھی جانے والی خبریں