منگل 07 اپریل 2020ء
منگل 07 اپریل 2020ء

ایچ بی ایل پی ایس ایل2020 کے دوران اردو میں کمنٹری نشر ہوگی،پینل کا اعلان‎

اسلام آباد (این این آئی)ایچ بی ایل پاکستان سپر لیگ کی تاریخ میں پہلی مرتبہ پاکستان کی قومی زبان ’’اردو‘‘میں کمنٹری نشر کی جائے گی۔ پاکستان کرکٹ بورڈ نے کرکٹ کے مداحوں کو کھیل سے جوڑے رکھنے کے لیے ٹیلی ویڑن میچ کی براہِ راست نشریات کے دوران انگریزی کے ساتھ ساتھ اردو میں رواں تبصروں کا بھی اہتمام کیا ہے  اس حوالے سے رمیز راجہ، بازید خان،وقار یونس اور عروج ممتاز اردو میں کمنٹری کریں گے۔ سابق کھلاڑیوں پر مشتمل یہ کمنٹری پینل ناظرین کو میچ کے دوران ہر اننگز میں 5 اوورز تک اردو میں کمنٹری فراہم کریں googletag.pubads().definePassback('/1001388/JW_JavedCh', [1, 1]).display(); گے، جو مقامی چینلز پر نشر ہوگی۔علاوہ ازیں، پہلی مرتبہ ایچ بی ایل پی ایس ایل 2020 کیآخری تین میچوں کے دوران اسپائیڈر کیم کے ذریعے کھلاڑیوں اور کمنٹیٹرز کے درمیان رابطہ بھی آن فیلڈ ایکشن کے ذریعے شائقین کرکٹ کو ٹی وی اسکرینز سیجڑے رہنے پر مجبور کرے گا۔ اس دوران گراؤنڈ میں موجود کھلاڑی، کمنٹری باکس میں موجود کمنٹیٹر سے محو گفتگو ہوگا۔ایچ بی ایل پاکستان سپر لیگ 2020 کی براڈ کاسٹ کوریج کے  دوران کْل 28 کیمراز کا استعمال کیا جائے گا جس میں سپر سلو اور الٹرا موشن کیمراز بھی شامل ہیں۔ لیگ کے دوران اسپائیڈر کیم اور ہاک آئی بال ٹریکنگ کا نظام چاروں شہروں، کراچی، لاہور، ملتان اور راولپنڈی  میں کھیلے جانے والے میچوں کے دوران دستیاب ہوگا۔‎

سب سے زیادہ پڑھی جانے والی خبریں