جمعه 23  اگست 2019ء
جمعه 23  اگست 2019ء

فاطمہ نے بغیر ثبوت کے الزام عائدکیا،بچے کی پیدائش کے وقت میں کہاں تھی؟ ماڈل نازش خان حقیقت سامنے لے آئیں

کراچی (آن لائن)ماڈل نازش خان نے کہا ہے کہ فاطمہ نے بغیر ثبوت کے الزام عائد کیا،فاطمہ گھریلو تشدد کا نشانہ بنی،میری ہمدردی اْس کیساتھ ہے،میرے لیے یہ سب نہایت دردناک ہے۔سوموار کو سماجی رابطے کی ویب سائٹ ٹوئٹر پر ایک بیان میں ماڈل نازش خان نے کہا کہاداکار محسن عباس حیدر کی اہلیہ فاطمہ نے مجھ پر بغیر کسی ثبوت کے الزام عائد کیا کہ  میرے ان کے شوہر کیساتھ ناجائز تعلقات ہیں،جس کے بعد سے مجھے گھر توڑنے والی کہا گیا۔ آپ سب اپنی عقل کا استعمال کریں اور سوچیں کہ اگر فاطمہ کے پاس میرے خلاف کوئی googletag.pubads().definePassback('/1001388/JW_JavedCh', [1, 1]).display(); ثبوت ہوتے تو وہ ان کو بھی منظر عام پر لاتی جیسے فاطمہ اپنے شوہر کیخلاف ثبوت سامنے لے کر آئی۔انہوں نے کہا کہ بیٹے کی پیدائش سے ایک گھنٹہ قبل فاطمہ سے میری بات ہوئی اور میں نے اسے مبارکباد دی۔ اس وقت محسن کراچی میں کسی شوٹنگ میں مصروف تھا جبکہ میں اسلام آباد میں تھی۔ لیکن فاطمہ گھریلو تشدد کا نشانہ بنی ہے،اور میری تمام تر ہمدردی اْس کیساتھ ہے اور میں اس بات کا اعلان بھی کرنا چاہتی ہوں کہ ان کی ازدواجی زندگی میں تنازعات کی وجہ میں نہیں ہوں۔انہوں نے مزید کہا کہ صرف محسن ہی اس حوالے سے وضاحت کر سکتا ہے کہ آخر اس کی بیوی نے اس سارے معاملے میں میرا نام کیوں لیا۔ فاطمہ نے کسی ثبوت کے بغیر مجھ پر پورے میڈیا کے سامنے الزام عائد کیا۔ میں نے کبھی کسی کی ذاتیات پر بات نہیں کی اور اسی لیے میرے لیے یہ سب نہایت دردناک ہے۔ میں صرف یہ کہنا چاہوں گی کہ صرف فاطمہ ہی اس سب کا شکار نہیں ہوئی، بغیر ثبوت مجھ پر الزام عائد کر کے ذاتی منافرت کی بنیاد پر مجھے بھی اس سب میں گھسیٹا گیا جس سے مجھے ذہنی طور پر کافی پریشانی ہوئی۔

سب سے زیادہ پڑھی جانے والی خبریں