اتوار 15  ستمبر 2019ء
اتوار 15  ستمبر 2019ء

ایپل نے صارفین کی نجی نوعیت کی ریکارڈنگ سننے پر معافی مانگ لی

نیویارک( آن لائن ) اسمارٹ فونز بنانے والی سب سے بڑی کمپنی ایپل نے سری کے ذریعے نجی نوعیت ریکارڈنگ سننے پر اپنے صارفین سے معافی مانگ لی ہے۔ایک رپورٹ کے مطابق کچھ روز قبل اس بات کا انکشاف ہوا تھا کہ ایپل اسمارٹ فونز میں موجودڈیجیٹل اسسٹنٹ سری صارفین کی ریکارڈنگ گریڈنگ پروگرام کے تحت رکھے گئے کنٹریکٹرز کو بھیجتا تھا جس کا مقصد صارفین کو اعلی معیار کی سروسز فراہم کرنا تھا۔اس ضمن میں ایپل کی جانب سے جاری بیان میں کہا گیا ہے کہ ہمیں احساس ہے کہ ہم اپنے اعلی مثالی اصولوں پر پورا نہیں اترے googletag.pubads().definePassback('/1001388/JW_JavedCh', [1, 1]).display(); جس کے لئے اپنے تمام صارفین سے معذرت خواہ ہیں، ہم نے فیصلہ کیا ہے کہ سری کے حوالے سے کچھ ضروری تبدیلیاں لائی جائیں گی جس کے تحت اب صارفین کو یہ سہولت دی جائے گی کہ وہ اپنی مرضی سے سری گریڈنگ کا آپشن استعمال کر سکیں گے۔واضح رہے گزشتہ دنوں ایک رپورٹ میں انکشاف ہوا تھا کہ ایپل مبینہ طور پر صارفین کی نجی نوعیت کی ریکارڈنگ سننے میں ملوث ہے۔رپورٹ میں بتایا گیا کہ کمپنی نے ایک معاہدے کے تحت ایسے افراد کو ملازمت دی جن کا کام سری کے ذریعے ایپل صارفین کی ریکارڈنگ کو سننا تھا۔رپورٹ میں کہا گیا ہے کہ جن صارفین کی نجی معلومات افشا کی گئیں ان کا تعلق آسٹریلیا، کینیڈا اور برطانیہ سے ہے اور ایپل نے اس کے لئے چند ممبران پر مشتمل ٹیم کو یہ کام سونپا تھا۔دوسری جانب ایپل نے مقف اپنایا کہ وہ صارفین کی ریکارڈنگ محض سری کی کارکردگی بہتر بنانے کے لئے سنا کرتے تھے تاہم کمپنی نے یہ بات واضح نہیں کہ کیسے ان کے ملازمین صارف کی مرضی کے بغیر ان کی ریکارڈنگ کو سنتے رہے۔

سب سے زیادہ پڑھی جانے والی خبریں