اتوار 15  ستمبر 2019ء
اتوار 15  ستمبر 2019ء

آئی فون کمپنی ایپل کا بھارت میں پہلا ریٹیل اسٹور جلد کھولنے کا اعلان

نیویارک(این این آئی)آئی فون اور اور میکنٹوش کمپوٹرز بنانے والی امریکی کمپنی ایپل نے بھارت کی جانب سے براہ راست غیرملکی سرمایہ کاری کی ضوابط نرم بنانے کے فیصلے کا خیرمقدم کیا ہے۔میڈیارپورٹس کے مطابق ایپل کا کہنا تھا کہ وہ بھارت میں اپنا پہلا ریٹیل اسٹور کھولنے کے لیے بے تاب ہے۔ کیلی فورنیا میں قائم ایپل کمپنی کی جانب سے جاری کردہ ایک بیان میں کہا گیا کہ وہ بھارتی وزیراعظم نریندر مودی کے تعاون سے بننے والے نئے قواعد و ضوابط کا خیرمقدم کرتی ہے۔ بھارت میں غیرملکی سرمایہ کاری سے متعلق ضوابط میں تبدیلی کرتے ہوئے googletag.pubads().definePassback('/1001388/JW_JavedCh', [1, 1]).display(); ان شرائط کو نرم کیا گیا ہے، جس میں غیرملکی کمپنیوں کوکسی بھی برینڈ کی تیاری اور بھارت میں کاروبار کے لیے قریب تیس فیصد مقامی ذرائع درکار ہوتے تھے اور مقامی افراد کو ملازمت دیے بغیر ریٹیلینگ اور آن لائن کاروبار کے پرمٹ جاری نہیں کیے جاتے تھے۔ایپل کمپنی کا کہنا تھاکہ بھارت میں ابھی ریٹیل اسٹور کے قیام میں کچھ وقت لگے گا، تاہم وہ پہلا ایپل اسٹور کھولنے کے لیے اور صارفین کو خوش آمدید کہنے کی منتظر ہے۔ واضح رہے کہ اس وقت ایپل مصنوعات بھارت میں فروخت ہوتی ہیں، تاہم اس کے لیے فرینچائز اسٹورز قائم ہیں، تاہم چینی اور جنوبی کوریائی مصنوعات کی وجہ سے ایپل کو اسمارٹ فونز کے شعبے میں سخت مقابلے کا سامنا ہے۔

سب سے زیادہ پڑھی جانے والی خبریں