منگل 18 جون 2019ء
منگل 18 جون 2019ء

ماسٹر موٹرز نے اپنی پہلی مقامی اسمبل کردہ گاڑی ریکارڈ مدت میں تیار کرلی،آرڈرز کی بکنگ شروع

کراچی(این این آئی)ماسٹر موٹرز نے اپنی پہلی مقامی اسمبل کردہ گاڑی چنگان کاروان دو مئی کو تیار کی جو ریکارڈ 13 ماہ کی مدت میں تیار کی گئی ہے۔ یہ کسی بھی گرین فیلڈ آٹو مینوفیکچرنگ پلانٹ کا ریکارڈ ٹائم ہے۔اس موقع پر ایم ایم ایل کے سی ای او دانیال ملک نے کہا کہ پیداواری پلانٹ کا سنگ بنیاد 13 ماہ قبل 21 مارچ 2018 کو رکھا گیا تھا، تقریب میں اس وقت کے وزیر صنعت و پیداوار سردار محمد ارشد خان لغاری بھی موجود تھے۔ یہ کامیابی انجینئرنگ ٹیم اور دیگر ملازمین کی انتھک لگن اورمحنت کے باعث عمل میں آئی اس میں چنگان انٹرنیشنل کا ٹیکنیکل تعاون بھی شامل ہے۔انہوں نے کہا کہ پلانٹ پر ماحول کے موافق اسٹیٹ آف دی آرٹ مشینری استعمال کی گئی ہے اور پلانٹ کی گنجائش 30 ہزار یونٹ سالانہ ہے جس میں چنگان کے کوالٹی سسٹم پر عمل کیا جاتا ہے تاکہ اس بات کو یقینی بنایا جاسکے کہ برآمدات کے لیے گاڑیوں کا معیار عالمی پیمانے کے مطابق ہے۔ ہم نے آٹو میشن مرحلہ وار مکمل کرنا ہے اور مکمل آٹومیشن 2025 میں ہوجائے گی۔چنگان ”کاروان“ ایک جدید لگژری7 سیٹر وین ہے جس میں جدید 1000cc انجن اور طاقتور ڈوئل اے سی ہیں۔ یہ خاندان بھر کے ساتھ سفر اور لمبے سفر کے لیے بہترین گاڑی ہے۔اس کے ساتھ 60 ہزار کلو میٹر یا 3 سال کی وارنٹی فراہم کی جائے گی۔ ہمیں پہلے ہی شاندار پزیرائی مل رہی ہے اور اگلے ماہ کے لیے آرڈرز کی بکنگ ہوگئی ہے۔ماسٹر موٹر لمیٹڈ ایک جوائنٹ وینچر ہے جس میں ماسٹر موٹر کارپوریشن لمیٹڈ (ایم ایم سی ایل) اور چنگان انٹرنیشنل کارپوریشن کی پارٹنر شپ ہے۔ کمپنی نے پاکستان میں مقامی طور پر تین چنگان گاڑیوں کی تیاری کا اعلان کیا تھا ان میں چنگان ایم 8 پک اپ، چنگان ایم 9 پک اپ اور چنگان کاروان وین شامل ہے اس کے ساتھ ہی ایس یو ویز، ایم پی ویز اور دیگر پسنجر گاڑیاں بھی تیار کی جائیں گی۔انہوں نے کہا کہ ہمارے تمام 3S ڈیلرز صارفین کو بہترین خدمات کی فراہمی کے لیے پُرجوش ہیں ہم نے اس بات کو یقینی بنایا ہے کہ تمام اسپیئر پارٹس اسٹاک میں ڈیلرز کے پاس دستیاب ہوں۔ اسی طرح تربیت یافتہ سیلز سپورٹ ٹیکنیشنز بعد از فروخت خدمات کے لیے موجود ہوں۔

سب سے زیادہ پڑھی جانے والی خبریں