پیر 17 جون 2019ء
پیر 17 جون 2019ء

اسد رجیم سے منسلک 16 افراد اور اداروں پر امریکا کی نئی پابندیاں

واشنگٹن(این این آئی)امریکا نے شامی رجیم سے منسلک 16 اداروں اور شخصیات پر نئی اقتصادی پابندیاں عائد کرنے کا اعلان کیا ہے۔ ایرانی تیل کی سپلائی میں سہولت فراہم کرنے والی کمپنیاں اور ان کے کارندے بھی نئی پابندیوں کی زد میں آئے ہیں۔امریکی وزارت خزانہ کی طرف سےجاری کردہ بیان میں بلیک لسٹ کردہ شامی تاجروں اور کاروباری کمپنیوں کی تفصیلات جاری کی گئی ہیں۔ بلیک لسٹ ہونے والے کاروباری افراد میں سامرفوز اور ان کے خاندان کے افراد بھی شامل ہیں۔امریکی وزارت خزانہ کے دہشت گردی اور مالیاتی انٹیلی جنس امور کے معاون خصوصی سیگل مانڈلکر نے کہا googletag.pubads().definePassback('/1001388/JW_JavedCh', [1, 1]).display(); ہے کہ قاتل اسد رجیم کے معاون بعض تاجر شامی حکومت کی وحشیانہ کارروائیوں کے نتیجے میں فرار ہونے والے شہریوں کی املاک پرقبضے اور ان پر سرمایہ کاری میں ملوث ہیں۔امریکی محکمہ خزانہ کا کہنا ہے کہ اس نے شامی رجیم سے منسلک ایسی 16 شخصیات اور اداروں کو بلیک لسٹ کیا ہے جو اس سے قبل یورپی یونین کی طرف سے بھی بلیک لسٹ کی جا چکی ہیں۔ان میں چینی، اناج اورپٹرولیم مصنوعات کی تجارت کے لیے قائم کردہ کمپنی کے مالکان فوز برادران حسین فوز اور عافر فوز بھی شامل ہیں۔بیان میں کہا گیا ہیکہ شامی رجیم سے منسلک بلیک لسٹ کردہ کمپنیوں میں سے سینرجی ایس اے ایل اوربی ایس کومبانی کے صدر دفاتر لبنان میںہیں۔ یہ دونوںکمپنیاں ایرانی تیل پرعاید کردہ امریکی پابندیوں کی خلاف ورزی کرتے ہوئے ایران کا خام تیل فروخت کرنے میں ملوث ہیں۔اس کے علاوہ ٹیلی ویژن چینل’’لنا‘‘ اور دمشق میں قائم’’فورسیزنز‘‘ ہوٹل کو بھی بلیک لسٹ کردیا گیا ہے۔ یہ دونوں شامی کاروباری شخصیت سامر فوز کی ملکیت بتائے جاتے ہیں۔

سب سے زیادہ پڑھی جانے والی خبریں