منگل 23 جولائی 2019ء
منگل 23 جولائی 2019ء

کینیڈا اور پاکستان آسانیاں ملنے سے تجارتی نمائشوں کے ذریعہ دوطرفہ تجارت بڑھا سکتے ہیں، ایف پی سی سی آئی

کراچی(آن لائن )یونائٹیڈ بزنس گروپ کے سرپرست اعلیٰ اور ایف پی سی سی آئی کے سابق صدرایس ایم منیر نے کہا ہے کہ پاکستان اور کینیڈا کے مابین تجارتی تعلقات میں وسعت اور مزید بہتری کیلئے انکی کوششیں جاری ہیں،ٹورنٹو میں پاکستان کے قونصل جنرل عمران صدیقی اورکینیڈا میں یو بی جی کے چیئرمین نوید بخاری بھی پاکستان اور کینیڈا کے بزنس مینوں کو قریب لانے کی کوششوں میں مصروف ہیں۔اگر دونوں ملکوں کے تجارتی وفود کو ایک دوسرے کے ممالک کے دورے میں آسانی مہیا کی جائے تو نہ صرف سرمایہ کار آگے بڑھیں گے بلکہ تجارتی نمائشوں کے googletag.pubads().definePassback('/1001388/JW_JavedCh', [1, 1]).display(); ذریعہ دوطرفہ تجارت بھی بڑھے گی۔انہوں نے ان خیالات کا اظہار ڈائریکٹرز Digreen Canada محسن اورابوبکر مسعود کی جانب سے اپنے اعزاز میں دیئے گئے ظہرانے میں گفتگو کے دوران کیا۔اس موقع پرایم پی سلمیٰ زاہد، نوید بخاری اور محبوب شیخ بھی موجود تھے۔ ایس ایم منیر نے کہا کہ ہم پاکستانی مصنوعات کو کینیڈین مارکیٹوں تک رسائی بڑھانے اورتجارت میں تیزی لانے کیلئے کام کررہے ہیں، مجھے یقین ہے کہ مستقبل میں کینیڈاکے ساتھ سفارتی،تجارتی تعلقات مزید بڑھنے کے قوی امکانات ہیں۔ ایس ایم منیر نے کہا کہ کینیڈا میں پاکستانی سفارتکاروں کی کارکردگی بے مثال ہے جودوطرفہ تعلقات میں اضافے کیلئے مثبت کوششوں میں مصروف ہیں ، کینیڈین مارکیٹوں میں پاکستانی مصنوعات کی تشہیر اورپاکستانی برآمدات بڑھانے کیلئے جدیدخطوط پر کام کرنے کی ضرورت ہے۔ایس ایم منیر نے کہا کہ پاکستان کی بزنس کمیونٹی ایف پی سی سی آئی میں یونائٹیڈ بزنس گروپ کے بینرتلے یکجا ہوچکی ہے اور ہمارے چیئرمین افتخار علی ملک،سیکریٹری جنرل زبیرطفیل اور تمام صوبوں کے چیئرمینز اپنی اپنی ٹیم کے ساتھ بہتر انداز میں بزنس کمیونٹی کی خدمت جاری رکھے ہوئے ہیں اوریو بی جی بیرون ممالک میں بھی پاکستان کیلئے فخر کا باعث ہے۔

سب سے زیادہ پڑھی جانے والی خبریں