جمعرات 06  اگست 2020ء
جمعرات 06  اگست 2020ء

افغانی کے نام پر ایرانی سیب درآمد ، قومی خزانے کو 34 کروڑ کا نقصان ، بڑے پیمانے پر گرفتاریاں ،اہم انکشافات

پشاور (این این آئی)پشاور کسٹمز حکام نے افغانستان سے ایرانی سیبوں کی درآمد کی مد میں قومی خزانے کو نقصان پہنچانے پر 22 درآمد کنندگان اورکسٹمز کلیئرنگ ایجنٹس کو گرفتار کرلیاجبکہ پانچ کی گرفتاری کیلئے چھاپے مارے جارہے ہیں۔میڈیا رپورٹ کے مطابق ملزمان نے افغانستان کے سیبوں کی ڈیوٹی دے کر ایرانی سیب درآمد کئے تھے جس سے قومی خزانے کو 34 کروڑ روپے کا کسٹمز ڈیوٹی سیلز ٹیکس اور انکم ٹیکس کی مد میں نقصان پہنچا۔ تفصیلات کے مطابق امپورٹرز نے یکم جولائی 2019 سے 31 اکتوبر 2019تک سیب کی 541 کھیپ منگوائیں جس پر پاکستانی حکام نے کاغذات googletag.cmd.push(function() { googletag.display('div-gpt-ad-1557484938290-0'); }); googletag.pubads().definePassback('/1001388/JW_JavedCh', [1, 1]).display(); تصدیق کیلئے افغانستان بھجوائے جس میں سے 378 کاغذات جعلی نکلے جس پر وفاقی حکومت نے ملزمان کے خلاف ایف آئی اے کو مقدمات درج کرنے کا حکم دیا۔گزشتہ روز درآمد کنندگان اور کسٹمز کلیئرنگ ایجنٹس کو کسٹمز جج کی عدالت میں پیش کیا گیا جہاں ان کی ضمانت قبل ازگرفتاری منسوخ ہونے پرانھیں حراست میں لے لیاجبکہ پانچ امپورٹر روپوش ہیں جن کی گرفتاری کے لئے چھاپے مارے جارہے ہیں۔ پشاور کسٹمز کے ترجمان نے گرفتاریوں کی تصدیق کرتے ہوئے بتایا کہ ملزمان کو کسٹمز کی حوالات میں رکھا گیا ہے اور قانون کے مطابق کاروائی جاری ہے۔انکوائری افسر سعید اختر اور حفیظ کے مطابق افغان سیب کی درآمد پر دس فیصد اور ایرانی سیب پر بیس فیصد کسٹمز ڈیوٹی ہے جبکہ ملزمان نے ایرانی سیب کو افغان سیب ظاہر کرکے درآمد کرکے قومی خزانے کو 34 کروڑ روپے کا نقصان پہنچایا۔

سب سے زیادہ پڑھی جانے والی خبریں